Katuwang ang kabataan sa pangangalaga ng kalikasan sa isinagawang Calumpang River Watershed Management Seminar ng Ibaan Municipal Environment and Natural Resources Office (MENRO) upang palakasin ang kamalayan at pakikiisa ng mga youth organization sa pangangalaga ng yamang tubig, Hulyo 22. Layunin ng seminar na maibahagi ang mahahalagang kaalaman hinggil sa environmental stewardship, konserbasyon, at napapanatiling pamamahala ng Calumpang River Watershed . Inaasahang magsisilbi itong hakbang tungo sa mas aktibong partisipasyon ng pamayanan sa pagprotekta sa likas na yaman. Katuwang sa nasabing gawain ang Conservation International para sa isang mas malinis, ligtas, at luntiang kinabukasan.

Isang makabuluhang hakbang tungo sa pagkakaroon ng mas maayos na pasilidad para sa komunidad ang isinagawa sa Salaban II, Ibaan, Batangas matapos ang ground blessing ng lupang ipinagkaloob ng Pamilya Salvame para sa pagtatayuan ng Salaban II Covered Court, Hulyo 18 . Dinaluhan ang seremonya ni Palawan 1st District Cong. Rosalie Salvame kasama ang kanyang pamilya, katuwang sina Mayor Jane Casas, Vice Mayor Joy Salvame, at mga miyembro ng Sangguniang Bayan bilang pagkilala sa malaking ambag ng pamilya para sa kapakinabangan ng mga residente ng Barangay Salaban II. Isinagawa ang ground blessing kasabay ng paggunita sa kaarawan ng yumaong Cong. Egay Salvame, na nagsilbing makabuluhang pag-alala sa kanyang adhikain ng paglilingkod at malasakit sa kapwa. #IbaanUpdates See less

Isang makulay at makabuluhang pagdiriwang ng kalusugan at pangangalaga sa kalikasan ang isinagawa ng mga Child Development Centers sa bayan ng Ibaan sa pakikipagtulungan ng Municipal Social Welfare and Development Office (MSWDO) bilang bahagi ng Nutrition Month Celebration na may temang “Nutrition at Kalikasan, Ating Pangalagaan!," Hulyo 22. Tampok sa selebrasyon ang masayang pagtatanghal at parada ng mga batang mag-aaral mula sa mga Child Development Centers, kung saan ipinakita nila ang kanilang mga ka-cute-an at pagkamalikhain. Layunin ng aktibidad na palakasin ang kamalayan ng mga bata at pamayanan sa kahalagahan ng wastong nutrisyon, pangangalaga sa kapaligiran, at pagkakaroon ng malusog na pamumuhay. #IbaanUpdates See less

Kasabay ng lingguhang Pagpupugay sa Bandila, Bayan, at Mamamayan: Flag Ceremony ng Pamahalaang Lokal ng Ibaan, isinagawa ang isang makabuluhang pagkilala sa Pamilya Salvame bilang pagpapahalaga sa kanilang kabutihang-loob at malaking ambag para sa kapakanan ng komunidad, Hulyo 20. Taos-pusong pinasalamatan ng Pamahalaang Bayan ang Pamilya Salvame sa kanilang pagkakaloob ng lote na pinagtatayuan ng Ibaan Municipal Market Mall, Malainin Barangay Hall at Child Development Center at ang pagtatayuan ng Salaban II Covered Court sa Barangay Salaban II, Ibaan, Batangas. Dumalo upang tanggapin ang pagkilala si Gng. Rosalie Ang Salvame, Palawan’s 1st District Representative , kasama ang kanyang mga anak. Pinangunahan ni Mayor Jane Casas ang paggawad ng pasasalamat kasama sina Vice Mayor Joy Salvame at mga miyembro ng Sangguniang Bayan . Kaugnay nito, isinagawa noong Hulyo 18 ang ground blessing ng nasabing lote sa Salaban II, kasabay ng paggunita sa kaarawan ng yumaong padre de pamilya na si Cong. Egay Salvame. Nagsisilbing inspirasyon ng tunay na malasakit at pakikiisa ang mga nasabing gawain tungo sa pag-unlad ng Bayan ng Ibaan.

Mas mabilis at mas abot-kamay na serbisyo ang hatid ng Land Transportation Office (LTO) Caravan sa Ibaan , kung saan maraming residente ang nakinabang sa iba’t ibang transaksyon kaugnay ng lisensya at pagpaparehistro ng sasakyan. Sa kabuuan, nakapaglabas ang LTO ng 311 Theoretical Driving Course (TDC) certificates at 201 Student Permits para sa mga aplikanteng nais magsimula ng kanilang paglalakbay bilang responsableng motorista. Naisagawa rin ang 4 renewal ng driver’s license at 4 renewal ng motor vehicle registration. Layunin ng programa na mailapit ang mahahalagang serbisyo ng LTO sa komunidad, makatulong sa mga mamamayan, at maisulong ang ligtas at responsableng pagmamaneho.

Patuloy na hinuhubog ang talento at kumpiyansa ng kabataang Ibaeno sa pamamagitan ng Acting and Scriptwriting Workshop na isinagawa sa Gabaldon Building, Ibaan Central School, Poblacion, Ibaan, Batangas. Ang programa ay inisyatiba ng Local Youth Development Office katuwang ang Ibaan Municipal Sangguniang Kabataan Federation at Teatro Kalasag, na naglalayong paunlarin ang kakayahan ng mga kabataan sa pag-arte, pagsulat ng iskrip, at malikhaing pagpapahayag. Sa pamamagitan ng pagsasanay at pagbabahagi ng kaalaman, nabibigyan ng pagkakataon ang mga kalahok na mahasa ang kanilang talento at makalikha ng mga kuwentong may kabuluhan at inspirasyon. Patuloy ang pagkakaisa ng mga institusyon sa pagsusulong ng mga programang nagbibigay-lakas at oportunidad sa kabataan upang maging mas malikhain, kumpiyansa, at handa sa pagpapahayag ng kanilang mga kuwento.

Nakibahagi ang pamahalaang lokal ng Ibaan sa pangunguna ni Mayor Jane Casas ng Ibaan sa State of the Provincial Address ni Batangas Governor Vilma Santos-Recto na may temang “Isang Taong Serbisyong May Talino at Puso” na ginanap sa Batangas Province Events Center, Batangas City . Tampok sa okasyon ang pagtalakay sa mga programa, tagumpay, at direksyon ng pamahalaang panlalawigan para sa patuloy na pag-unlad ng Matatag na Batangas at kapakanan ng mga Batangueño.

🗓️July 16-24, 2026 (2pm-7pm) 🗓️July 19, 2026 Sunday (6am-7pm) 📍Across Pilgrims Center, Archdiocesan Shrine and Parish of St James the Greater,Ibaan, Batanga

Ipinagdiwang ang Alternative Learning System (ALS) Graduation Ceremony sa Ibaan Central School, na may temang “Pilipinong Nagsipagtapos: Handang Mamuno Nang May Kakayahan at Mabuting Pagkatao," Hulyo 17. Tampok sa makabuluhang pagtatapos ang pagkilala sa mga mag-aaral ng ALS na nagtagumpay sa kabila ng mga hamon at pinatunayan na ang edukasyon ay patuloy na daan tungo sa mas magandang kinabukasan. Ang nasabing seremonya ay dinaluhan nina Mayor Jane Casas at Vice Mayor Joy Salvame na nagbigay ng mensahe para sa mga nagsipagtapos. Patuloy na pinatutunayan ng ALS ang mahalagang papel nito sa pagbibigay ng pangalawang pagkakataon sa edukasyon at pagbubukas ng mas maraming oportunidad para sa bawat Pilipino.

Ipinagdiwang ng Ibaan Market Vendors and Community Multi-Purpose Cooperative ang kanilang 20th Founding Anniversary Celebration sa Ibaan Public Market, Talaibon, Ibaan, Batangas bilang pagkilala sa dalawang dekadang pagkakaisa, sipag, at dedikasyon ng kooperatiba, Hulyo 17. Naging makabuluhang pagtitipon ang pagdiriwang na nagbigay-pugay sa mahalagang papel ng mga market vendors bilang katuwang sa pagpapaunlad ng lokal na ekonomiya at pagbibigay ng serbisyo sa komunidad. Sa loob ng 20 taon, patuloy na ipinapakita ng kooperatiba ang kanilang malasakit at pagsusumikap upang makapaghatid ng de-kalidad na produkto at maayos na serbisyo sa kanilang mga miyembro.

Naghatid ng dagdag na suporta ang Pamahalaang Bayan ng Ibaan sa mga Persons with Disabilities (PWD) matapos matagumpay na maisagawa ang Rice Distribution Program para sa humigit-kumulang 700 PWD beneficiaries sa Recto Gym, Poblacion, Ibaan, Batangas, Hulyo 17. Ito ay upang makatulong sa pang-araw-araw na pangangailangan ng mga PWD at maipakita ang patuloy na malasakit at pagkalinga ng lokal na pamahalaan para sa sektor na nangangailangan ng suporta. Ang aktibidad ay bahagi ng patuloy na pagsusulong ng inclusive na serbisyo at programang nagbibigay tugon sa kapakanan ng bawat mamamayan ng Ibaan.

Upang matiyak ang kaligtasan at kaginhawaan ng mga motorista, isinagawa ng Department of Public Works and Highways (DPWH) ang pagkukumpuni ng kahabaan ng J.P. Rizal Avenue sa Poblacion, Ibaan, Batangas. Ang nasabing proyekto ay bunga ng patuloy na pakikipag-ugnayan ng Ibaan Municipal Engineering Office at Pamahalaang Lokal ng Ibaan upang mapanatili ang maayos na kondisyon ng mga pangunahing kalsada sa bayan. Ito ay upang mapabuti ang daloy ng trapiko at mabawasan ang panganib sa mga dumaraan, bilang bahagi ng patuloy na pagsusulong ng ligtas at maayos na imprastraktura para sa mamamayan ng Ibaan.

Patuloy ang declogging operation na isinasagawa sa kahabaan ng Batangas–Quezon Road mula Barangay Coliat hanggang Barangay Sabang, Ibaan, Batangas upang alisin ang mga bara sa daluyan ng tubig at mapabuti ang daloy ng drainage system at makatulong sa pag-iwas sa posibleng pagbaha sa mga apektadong lugar. Ang hakbang na ito ay bahagi ng patuloy na programa ng lokal na pamahalaan para sa mas ligtas, malinis, at handang komunidad sa buong Bayan ng Ibaan.

Patuloy ang monitoring at validation ng mga kalahok sa Gulayan sa Ibaan Challenge, na naglalayong palakasin ang food security at isulong ang sustainable gardening sa buong bayan ng Ibaan. Sa kabuuan, 96 opisyal na entries mula sa iba’t ibang barangay, paaralan, samahan, at indibidwal ang nakikiisa sa programang nagbibigay-halaga sa sipag, pagkamalikhain, at pagmamahal sa pagtatanim. Patuloy na umiikot ang monitoring team sa iba’t ibang clusters upang masuri ang mga kalahok, habang ang judging ng mga finalists sa bawat kategorya ay nakatakdang isagawa sa buwan ng Agosto . Samantala, ang Awarding of Winners ay gaganapin sa unang linggo ng Setyembre . Nagpaabot ng pasasalamat ang Pamahalaang Bayan ng Ibaan sa lahat ng kalahok sa kanilang dedikasyon at pagsisikap na gawing mas luntian at masagana ang komunidad.

Patuloy na inilalapit ng Pamahalaang Bayan ng Ibaan ang serbisyong pangkalusugan sa mamamayan sa pamamagitan ng Ibaan Yakap Caravan, sa pangunguna ng Municipal Health Office katuwang ang Ibaan Sangguniang Kabataan Federation. Nagsimula noong Hunyo 2, labingdalawang (12) Barangay na sa Ibaan ang napuntahan ng caravan tulad ng Barangay Calamias, Catandala, Coliat, Lucsuhin, Mabalor, Malainin, Palindan, Pangao, Panghayaan, Poblacion, Sabang at Talaibon. Layunin nitong magbigay ng mga pangunahing serbisyong pangkalusugan tulad ng health assessment, PhilHealth registration at updating, at PhilHealth YAKAP enrollment, upang mas mapalakas ang access ng mga Ibaeño sa serbisyong medikal at benepisyong pangkalusugan. Patuloy na isasagawa ang caravan sa iba pang barangay sa bayan. Hinihikayat ang publiko na makipag-ugnayan sa kanilang Sangguniang Barangay para sa iskedyul sa kanilang lugar.

Malugod na tinanggap ni Mayor Jane Casas ang mga indibidwal, organisasyon, at samahan para sa serye ng mahalagang pagpupulong na naglalayong isulong ang mas mahusay na kinabukasan para sa bawat Ibaeño. Ang mga nasabing pagpupulong ay upang bahagi ng hakbang ng pamahalaang lokal para sa inklusibong pag-unlad ng bayan.

Bagaman hindi direktang tatama, patuloy ang paghahanda sa posibleng epekto ng Bagyong Inday at pag-igting ng Habagat ang isinagawa ng Municipal Disaster Risk Reduction and Management Office (MDRRMO) ng Ibaan sa isang Emergency MDRRMC Meeting at Pre-Disaster Risk Assessment (PDRA), Hulyo 7. Layunin ng pagpupulong na masuri ang posibleng panganib, mapalakas ang kahandaan, at maisaayos ang mga hakbang sa pagtugon ng bayan sakaling magkaroon ng epekto ang bagyo. Kabilang sa mga tinalakay ang lagay ng panahon, pagtukoy sa mga high-risk na lugar, activation ng Emergency Preparedness and Response Protocols, paghahanda ng evacuation centers, suplay ng pagkain at gamot, rescue equipment, at koordinasyon ng mga ahensya. Pinangunahan ng MDRRMC ang pagpapalakas ng ugnayan ng bawat tanggapan at barangay upang matiyak ang maagap at organisadong pagtugon para sa kaligtasan ng mga mamamayan. Sa patuloy na pagbabantay at paghahanda, nananatiling nakahanda ang Pamahalaang Bayan ng Ibaan para sa anumang hamon na dulot ng kalamidad.

Bilang bahagi ng pagdiriwang ng PRIDE Month, nagsagawa ang pamahalaang lokal ng HIV 101 and STI 101 Awareness, Education and Prevention Program na layuning palawakin ang kaalaman ng kabataan at komunidad tungkol sa HIV/AIDS, sexually transmitted infections, at LGBTQ+ rights. Tampok sa programa ang mga talakayan nina G. Rhalf Anthony C. Tenorio, RN, MAN (STD/STI 101), G. John Aries Almodjel (HIV 101),bat Mx. Kirk Sison (LGBTQ+ Rights) na nagbigay ng mahalagang impormasyon para sa kalusugan, proteksyon, at inklusibong pag-unawa sa lipunan. Kasunod nito ay isinagawa ang libreng HIV testing bilang bahagi ng adbokasiya para sa maagang pag-detect at pag-iwas sa sakit. Pinangunahan ang aktibidad ng Ibaan Sangguniang Kabataan Federation, Municipal Social Welfare and Development Office, Municipal Health Office, Local Youth Development Office, Xaraya, Wagayway Equality, at LGBTQIA+ Ibaan Chapter. Namahagi rin ng 10 kilo ng bigas sa mga miyembro ng LGBTQIA+ na dumalo bilang dagdag suporta. Ang programa ay patunay ng patuloy na pagtutulungan para sa mas ligtas, mas mulat, at mas inklusibong komunidad sa Ibaan.

𝗣𝗠𝗮𝗷. 𝗝𝗼𝗵𝗻 𝗟𝗲𝗼 𝗣. 𝗖𝘂𝗮𝘀𝗮𝘆 𝗮𝘁 𝗜𝗯𝗮𝗮𝗻 𝗠𝘂𝗻𝗶𝗰𝗶𝗽𝗮𝗹 𝗣𝗼𝗹𝗶𝗰𝗲 𝗦𝘁𝗮𝘁𝗶𝗼𝗻 Overall Rank No. 1 Operational Accomplishment (Class B Police Station Category) Pagbati mula sa pamahalaang lokal para sa Ibaan Municipal Police Station sa pangunguna ni PMaj. John Leo P. Cuasay sa pagkakamit ng Overall Rank. No. 1 sa Operational Accomplishment (Class B Police Station Category) para sa buwan ng Hulyo. Ang parangal na ito ay patunay ng inyong natatanging husay, sipag, at tapat na paggabay sa kaligtasan at kaayusan ng ating bayan.

Isang makabuluhang Pagpupugay sa Bandila, Bayan at Mamamayan: Flag Ceremony na pinangunahan ng Liga ng mga Barangay ang isinagawa na naging tagpuan ng pagkakaisa, pagkilala, at bagong simula para sa mga lider ng komunidad sa Ibaan, Hulyo 6. Tampok sa programa ang pagpapakilala sa kinatawan ng Bayan ng Ibaan sa Miss World Philippines–Batangas na si Ms. Renee Coleen Sta Teresa ng mula sa Brgy. Lapu-Lapu. Kasabay nito ang Oath Taking ng mga Newly Elected Officers ng LGBTQIA+ Ibaan Chapter, bilang simbolo ng mas pinatatag na representasyon at partisipasyon sa komunidad. Tampok din ang pagbati sa Ibaan Municipal Police Station at PMaj John Leo P. Cuasay na nanguna sa Operational Accomplishment (Class B Police Station Category) na pinangunahan ni Mayor Jane Casas, VM Joy Salvame at Sangguniang Bayan. Ang pagtitipon ay nagsilbing patunay ng nagkakaisang layunin para sa mas maayos, inklusibo, at progresibong pamahalaan sa Ibaan.